حلمت بالأمانى
حلمت بالأمانى
شعر/سكينه الصولي
حلمت بالاماني و فرحة تضمني
أتاري الفرح غايب والدنيا بتصدنى
أنا قولت أدور عليها يمكن حظى يلاقيها وياريتنى عترت فيها
وفرحت ولو ثوانى
لكن ضاعت الأمانى
٠٠٠٠٠٠٠٠٠٠٠٠٠٠٠٠٠٠٠٠٠
يادنيا الخوف غريبة
بتقسى على الحبيبة
الواحدة عشان تحب
وتتعشم ٠٠ فى الشب
تتعذب شرق وغرب
علشان بيطلع أنانى
عايز كله فى ثوانى
ويسيب الشابة تعانى
تفضفض فى الأغانى
و تكره كل الأمانى
وتقول مش رائعة تانى
لحد يغشنى ولا دنيا
تصدنى ٠٠٠
٠٠٠٠٠٠٠٠٠٠٠٠٠٠٠٠٠٠٠٠
أكيد فيه حل تانى
مش كل واحد أنانى
راح أعيد من تانى الكرة
وأدور ٠٠ جوة٠٠ وبرة
مش كل العيشة مرة
يازمانى هات لى أمانى
أنا راجعة تانى لروحى
حاأداوى كل جروحى
ولا بعد اليوم حاأعانى
وأعيد كل الأمانى
والفرح والتهانى ٠٠
ليست هناك تعليقات:
إرسال تعليق